เนื้อเพลง หลงลาว โดย ต้าร์ ตจว.

เข็มทิศหัวใจอ้ายพัง บอกทางกลับบ้านบ่ได้
ตั้งแต่ได้พ้อคนไค สาวฝั่งซ้ายดินแดนล้านซ้าง
หย่อนเหงากวนใจอ้ายคัก
เลยซวนความฮักข้ามฝั่ง
มนต์พระธาตุหลวงดนบันดาล
ให้ได้มาพ้อนางบ่อน้อ

เจ้านุ่งซิ่นพาดผ้าแพรพรรณ
อุ้มขันตักบาตรยามเช้า
อยากซอยน้องถือกระติ๊บข้าว
ตักบาตรฮ่วมบุญนำกันเด้สาว

หลงลาว หลงสาว เมืองดอกจำปา
หลงใหลสำเนียงภาษา วัฒนธรรมล้ำค่างดงาม
เสียงแคนเป่าลายเฮ็ดให้ใจอ้ายถลำ
บ่อยากโงโค้งคืนคาม
อยากอยู่นำสาวงามเมืองลาว

อ้ายย่านแต่ในใจเจ้า มีเงาพุบ่าวซ่อนอยู่
บอกอ้ายแนเด้ออยากฮู้ มีบ่คนอยู่ข้างใน
ขัวข้ามน้ำโขง เชื่อมโยงสาวลาวบ่าวไทย
อ้ายอยากสร้างขัวข้ามหม่องใหม่
เชื่อมใจสองเฮาเด้หล่า

เจ้านุ่งซิ่นพาดผ้าแพรพรรณ
อุ้มขันตักบาตรยามเช้า
อยากซอยน้องถือกระติ๊บข้าว
ตักบาตรฮ่วมบุญนำกันเด้สาว

หลงลาว หลงสาว เมืองดอกจำปา
หลงใหลสำเนียงภาษา วัฒนธรรมล้ำค่างดงาม
เสียงแคนเป่าลายเฮ็ดให้ใจอ้ายถลำ
บ่อยากโงโค้งคืนคาม
อยากอยู่นำสาวงามเมืองลาว

อยากอยู่นำสาวงามเมืองลาว